ho jaegi jab tum se shanasai zara aur

ho jā.egī jab tum se shanāsā.ī zarā aur

baḌh jā.egī shāyad mirī tanhā.ī zarā aur

kyuuñ khul ga.e logoñ pe mirī zaat ke asrār

ai kaash ki hotī mirī gahrā.ī zarā aur

phir haath pe zaḳhmoñ ke nishāñ gin na sakoge

ye uljhī huī Dor jo suljhā.ī zarā aur

tardīd to kar saktā thā phailegī magar baat

is taur bhī hogī tirī rusvā.ī zarā aur

kyuuñ tark-e-ta.alluq bhī kiyā lauT bhī āyā?

achchhā thā ki hotā jo vo harjā.ī zarā aur

hai diip tirī yaad kā raushan abhī dil meñ

ye ḳhauf hai lekin jo havā aa.ī zarā aur

laḌnā vahīñ dushman se jahāñ gher sako tum

jītoge tabhī hogī jo paspā.ī zarā aur

baḌh jā.eñge kuchh aur lahū bechne vaale

ho jaa.e agar shahr meñ mahñgā.ī zarā aur

ik Dūbtī dhaḌkan kī sadā log na sun leñ

kuchh der ko bajne do ye shahnā.ī zarā aur

ho jaegi jab tum se shanasai zara aur

baDh jaegi shayad meri tanhai zara aur

kyun khul gae logon pe meri zat ke asrar

ai kash ki hoti meri gahrai zara aur

phir hath pe zaKHmon ke nishan gin na sakoge

ye uljhi hui Dor jo suljhai zara aur

tardid to kar sakta tha phailegi magar baat

is taur bhi hogi teri ruswai zara aur

kyun tark-e-talluq bhi kiya lauT bhi aaya?

achchha tha ki hota jo wo harjai zara aur

hai dip teri yaad ka raushan abhi dil mein

ye KHauf hai lekin jo hawa aai zara aur

laDna wahin dushman se jahan gher sako tum

jitoge tabhi hogi jo paspai zara aur

baDh jaenge kuchh aur lahu bechne wale

ho jae agar shahr mein mahngai zara aur

ek Dubti dhaDkan ki sada log na sun len

kuchh der ko bajne do ye shahnai zara aur