ho jate hain jab apne marizon se KHafa aur

ho jaate haiñ jab apne marīzoñ se ḳhafā aur

karte haiñ vo ījād sitam aur jafā aur

ai zulm sarāpā kabhī is par bhī nazar kar

kyā merā ḳhudā aur hai terā hai ḳhudā aur

mushkil hai batānā ki hai kyā farq magar hai

lailā kī adā aur hai majnūñ kī adā aur

taslīm ki duniyā hī meñ hai jail bhī lekin

andar kī fazā aur hai bāhar kī fazā aur

kahtā hai ye qaidī ki havā ek nahīñ hai

bāhar kī havā aur hai andar kī havā aur

momin ke liye jail hai duniyā-e-dunī bhī

duniyā kī fazā aur hai uqbā kī fazā aur

bīmār-e-masarrat kī davā aish kī lazzat

bīmār-e-mohabbat kā maraz aur davā aur

allāh kare tujh ko tire nuur se āgāh

mahfil kā diyā aur tire dil kā diyā aur

anjām-e-mohabbat se uruuj apne hai vāqif

tā-zīst hai qismat meñ jafā aur balā aur

ho jate hain jab apne marizon se KHafa aur

karte hain wo ijad sitam aur jafa aur

ai zulm sarapa kabhi is par bhi nazar kar

kya mera KHuda aur hai tera hai KHuda aur

mushkil hai batana ki hai kya farq magar hai

laila ki ada aur hai majnun ki ada aur

taslim ki duniya hi mein hai jail bhi lekin

andar ki faza aur hai bahar ki faza aur

kahta hai ye qaidi ki hawa ek nahin hai

bahar ki hawa aur hai andar ki hawa aur

momin ke liye jail hai duniya-e-duni bhi

duniya ki faza aur hai uqba ki faza aur

bimar-e-masarrat ki dawa aish ki lazzat

bimar-e-mohabbat ka maraz aur dawa aur

allah kare tujh ko tere nur se aagah

mahfil ka diya aur tere dil ka diya aur

anjam-e-mohabbat se uruj apne hai waqif

ta-zist hai qismat mein jafa aur bala aur