ho KHak taskin ki maut ke baad ek nai zindagi milegi

ho ḳhaak taskīñ ki maut ke ba.ad ik na.ī zindagī milegī

abhī se goyā ye farz kar luuñ ki phir musībat vahī milegī

maiñ aql kī raah par na chaltā agar mujhe is kā ilm hotā

ki sub.h-e-har-āgahī se paivasta shām-e-nā-āgahī milegī

riyāz-e-ālam meñ tujh ko ai dil jo ārzū-e-shaguftagī hai

kalī ko jaise pas-e-shaguftan milī hai pazhmurdagī milegī

ye nau-ba-nau zulmateñ ki jis meñ bhaTaktī phirtī hai ādamiyyat

chhaTeñgī kab ai ḳhudā-e-bartar kab is ko phir raushnī milegī

hujūm-e-afkār shām-e-ġhurbat bujhā huā dil malāl-e-hijrat

kinār-e-jamunā ho laakh dilkash 'tilak' hameñ kyā ḳhushī milegī

ho KHak taskin ki maut ke baad ek nai zindagi milegi

abhi se goya ye farz kar lun ki phir musibat wahi milegi

main aql ki rah par na chalta agar mujhe is ka ilm hota

ki subh-e-har-agahi se paiwasta sham-e-na-agahi milegi

riyaz-e-alam mein tujh ko ai dil jo aarzu-e-shaguftagi hai

kali ko jaise pas-e-shaguftan mili hai pazhmurdagi milegi

ye nau-ba-nau zulmaten ki jis mein bhaTakti phirti hai aadamiyyat

chhaTengi kab ai KHuda-e-bartar kab is ko phir raushni milegi

hujum-e-afkar sham-e-ghurbat bujha hua dil malal-e-hijrat

kinar-e-jamuna ho lakh dilkash 'tilak' hamein kya KHushi milegi