ho na mujhse kisi surat bhi mera ghar naraaz

ho na mujh se kisī sūrat bhī mirā ghar nārāz

is liye rahtā huuñ ḳhud se hī maiñ aksar nārāz

kar nahīñ saktā kabhī chaah ke bhī ḳhud ko alag

laakh dariyāoñ se rahtā ho samundar nārāz

bādshāhat ke vahī hote haiñ sachche haqdār

jin se hotā na ho koī bhī qalandar nārāz

merī ā.īna-mizājī hī mirā sab kuchh hai

mujh se hote haiñ to hote raheñ patthar nārāz

un buzurgoñ kī bahut yaad ab aatī hai mujhe

jo bilā-vaj.h bhī ho jaate the mujh par nārāz

jin se hotā hai izāfa mirī bīnā.ī meñ

ab na āñkhoñ se ho aisā koī manzar nārāz

ratjage ho ga.e jis din se muqaddar 'shāhid'

rāt-bhar rahne lagā niiñd se bistar nārāz

ho na mujh se kisi surat bhi mera ghar naraaz

is liye rahta hun KHud se hi main aksar naraaz

kar nahin sakta kabhi chah ke bhi KHud ko alag

lakh dariyaon se rahta ho samundar naraaz

baadshahat ke wahi hote hain sachche haqdar

jin se hota na ho koi bhi qalandar naraaz

meri aaina-mizaji hi mera sab kuchh hai

mujh se hote hain to hote rahen patthar naraaz

un buzurgon ki bahut yaad ab aati hai mujhe

jo bila-wajh bhi ho jate the mujh par naraaz

jin se hota hai izafa meri binai mein

ab na aankhon se ho aisa koi manzar naraaz

ratjage ho gae jis din se muqaddar 'shahid'

raat-bhar rahne laga nind se bistar naraaz