ho na paenge yaqin to ek guman ho jaenge

ho na pā.eñge yaqīñ to ik gumāñ ho jā.eñge

ye kabhī mat sochnā ham rā.egāñ ho jā.eñge

ham abhī to chup haiñ lekin bolne par aa.e to

jitne bhī ahl-e-zabāñ haiñ be-zabāñ ho jā.eñge

sab se achchhā hai ki apnā raaz ḳhud ham khol deñ

varna sab ke sāmne ik din ayaañ ho jā.eñge

gar yuuñ hī chaltī rahī paiham ḳhayāloñ kī uḌaan

uḌte uḌte ek din ham āsmāñ ho jā.eñge

itnī jaldī to koī bhī mo.ajiza hotā nahīñ

itnī jaldī ham havā meñ gum kahāñ ho jā.eñge

piine vāloñ ke liye to chand pal kā thā sukūn

ḳhauf meñ thī cigaretteñ ab ham dhuāñ ho jā.eñge

ho na paenge yaqin to ek guman ho jaenge

ye kabhi mat sochna hum raegan ho jaenge

hum abhi to chup hain lekin bolne par aae to

jitne bhi ahl-e-zaban hain be-zaban ho jaenge

sab se achchha hai ki apna raaz KHud hum khol den

warna sab ke samne ek din ayan ho jaenge

gar yun hi chalti rahi paiham KHayalon ki uDan

uDte uDte ek din hum aasman ho jaenge

itni jaldi to koi bhi moajiza hota nahin

itni jaldi hum hawa mein gum kahan ho jaenge

pine walon ke liye to chand pal ka tha sukun

KHauf mein thi cigaretten ab hum dhuan ho jaenge