ho raha hai abr aur karta hai wo jaanana raqs
ho raha hai abr aur karta hai wo jaanana raqs
Shaikh Zahuruddin Hatim
MORE BYShaikh Zahuruddin Hatim
ho rahā hai abr aur kartā hai vo jānāna raqs
barq gird us ke kare hai aa ke be-tābāna raqs
daur meñ chashm-e-gulābī ke tire ai bāda-nosh
bazm meñ kartā hai mastoñ kī tarah paimāna raqs
is qad o ruḳhsār par ai sham.a-rū is husn par
qamrī o bulbul kare hai vajd aur parvāna raqs
ghuñgrū jaane hai paañv meñ vo zanjīroñ ke ta.iiñ
kyuuñ na is āvāz par ban ban kare dīvāna raqs
jis ke ghar aave vo 'hātim' naaz se rakhtā qadam
uTh khaḌā ho kar kare is aan sāhib-ḳhāna raqs
ho raha hai abr aur karta hai wo jaanana raqs
barq gird us ke kare hai aa ke be-tabana raqs
daur mein chashm-e-gulabi ke tere ai baada-nosh
bazm mein karta hai maston ki tarah paimana raqs
is qad o ruKHsar par ai shama-ru is husn par
qamri o bulbul kare hai wajd aur parwana raqs
ghungru jaane hai panw mein wo zanjiron ke tain
kyun na is aawaz par ban ban kare diwana raqs
jis ke ghar aawe wo 'hatim' naz se rakhta qadam
uTh khaDa ho kar kare is aan sahib-KHana raqs
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
