ho rahi thi guftugu aaj mumkinat par

ho rahī thī guftugū aaj mumkināt par

lā ke phuul rakh diyā us ne mere haat par

ham sadā nibhā.eñge chhoḌ kar na jā.eñge

aa ga.ī hameñ hañsī aaj un kī baat par

aap hī batā.iye ham se mat chhupā.iye

aap bhī to the miyāñ jā-e-vārdāt par

hijr kī shabeñ sabhī sub.heñ saarī dard kī

kitnā bojh rakh liyā ham ne apnī zaat par

sab nirās kyuuñ hue dil udaas kyuuñ hue

saare mil ke sochiye in muāmalāt par

koī kyā samajh sake un kī ahmiyat hai kyā

ġhaur kar rahā huuñ maiñ aaj jin nikāt par

ho rahi thi guftugu aaj mumkinat par

la ke phul rakh diya us ne mere hat par

hum sada nibhaenge chhoD kar na jaenge

aa gai hamein hansi aaj un ki baat par

aap hi bataiye hum se mat chhupaiye

aap bhi to the miyan ja-e-wardat par

hijr ki shaben sabhi subhen sari dard ki

kitna bojh rakh liya hum ne apni zat par

sab niras kyun hue dil udas kyun hue

sare mil ke sochiye in muamalat par

koi kya samajh sake un ki ahmiyat hai kya

ghaur kar raha hun main aaj jin nikat par