ho rang-e-shafaq jaise ruKH-e-sham mein utra

ho rañg-e-shafaq jaise ruḳh-e-shām meñ utrā

vo merī nigāhoñ ke dar-o-bām meñ utrā

vā hone lage saare ummīdoñ ke darīche

jab terā tasavvur dil-e-nā-kām meñ utrā

jab ḳhūn-e-jigar ghol diyā ham ne suḳhan meñ

tab jā ke kahīñ hai rag-e-hañgām meñ utrā

jab jazba-e-dil safha-e-qirtās pe aayā

tab aks-e-darūñ shīsha-e-paiġhām meñ utrā

jab saarā safar kaT gayā be-yār-o-madadgār

ik haath falak se hai tab anjām meñ utrā

ho rang-e-shafaq jaise ruKH-e-sham mein utra

wo meri nigahon ke dar-o-baam mein utra

wa hone lage sare ummidon ke dariche

jab tera tasawwur dil-e-na-kaam mein utra

jab KHun-e-jigar ghol diya hum ne suKHan mein

tab ja ke kahin hai rag-e-hangam mein utra

jab jazba-e-dil safha-e-qirtas pe aaya

tab aks-e-darun shisha-e-paigham mein utra

jab sara safar kaT gaya be-yar-o-madadgar

ek hath falak se hai tab anjam mein utra