hogi wo dil mein jo Thani jaegi

hogī vo dil meñ jo Thānī jā.egī

kyā hamārī baat maanī jā.egī

Dhal chukī hai ab javānī jā.egī

ye sharāb-e-arġhavānī jā.egī

ba.ad-e-tauba ātish-e-sayyāl-e-ḳhum

mere ghar se ho ke paanī jā.egī

ḳhizr yūñhī gum raheñge umr-bhar

yūñhī umr-e-jāvedānī jā.egī

teġh hī kyā haath meñ qātil ke thī

ai hinā tū bhī to saanī jā.egī

aa.e taare hijr kī shab kuchh nazar

ab balā-e-āsmānī jā.egī

arsh par hai ḳhush-jamāloñ kā mizāj

kyuuñ kar un kī lan-tarānī jā.egī

ḳhidmat-e-maiḳhāna kar le varna shaiḳh

rā.egāñ ye zindagānī jā.egī

maut se bad-tar buḌhāpā aa.egā

jaan se achchhī javānī jā.egī

shoḳhiyāñ kahtī haiñ khul kheleñge vo

ab hayā kī pāsbānī jā.egī

aag ban kar jaam meñ aa.egī mai

zamzamī meñ ho ke paanī jā.egī

bosa-e-gesū se haiñ chīñ-ba-jabīñ

rāt-bhar kyā sargirānī jā.egī

bole sun kar dil ke pāmālī kā haal

kis galī kī ḳhaak chhānī jā.egī

jaan se baḌh kar ise rakhte aziiz

kyā samajhte the javānī jā.egī

saath laa.e haiñ qafas se nā-tavāñ

jaate jaate nā-tavānī jā.egī

naale karnā siikh le ai andalīb

ab ye tarz-e-naġhma-ḳhvānī jā.egī

shaiḳh ne māñgī hai apnī umr kī

mai-kade se ab purānī jā.egī

jā chuke haiñ aap kal dushman ke ghar

aaj marg-e-nā-gahānī jā.egī

piine aa.eñ to farishta-ḳhū 'riyāz'

huur ke dāman meñ chhānī jā.egī

hogi wo dil mein jo Thani jaegi

kya hamari baat mani jaegi

Dhal chuki hai ab jawani jaegi

ye sharab-e-arghawani jaegi

baad-e-tauba aatish-e-sayyal-e-KHum

mere ghar se ho ke pani jaegi

KHizr yunhi gum rahenge umr-bhar

yunhi umr-e-jawedani jaegi

tegh hi kya hath mein qatil ke thi

ai hina tu bhi to sani jaegi

aae tare hijr ki shab kuchh nazar

ab bala-e-asmani jaegi

arsh par hai KHush-jamalon ka mizaj

kyun kar un ki lan-tarani jaegi

KHidmat-e-maiKHana kar le warna shaiKH

raegan ye zindagani jaegi

maut se bad-tar buDhapa aaega

jaan se achchhi jawani jaegi

shoKHiyan kahti hain khul khelenge wo

ab haya ki pasbani jaegi

aag ban kar jam mein aaegi mai

zamzami mein ho ke pani jaegi

bosa-e-gesu se hain chin-ba-jabin

raat-bhar kya sargirani jaegi

bole sun kar dil ke pamali ka haal

kis gali ki KHak chhani jaegi

jaan se baDh kar ise rakhte aziz

kya samajhte the jawani jaegi

sath lae hain qafas se na-tawan

jate jate na-tawani jaegi

nale karna sikh le ai andalib

ab ye tarz-e-naghma-KHwani jaegi

shaiKH ne mangi hai apni umr ki

mai-kade se ab purani jaegi

ja chuke hain aap kal dushman ke ghar

aaj marg-e-na-gahani jaegi

pine aaen to farishta-KHu 'riyaz'

hur ke daman mein chhani jaegi