hon mubarak tumko shaidai bahut

hoñ mubārak tum ko shaidā.ī bahut

haiñ hamāre bhī tamannā.ī bahut

ham hī kuchh us ke na kaam aa.e kabhī

zindagī to apne kaam aa.ī bahut

raat bhī the gosh-bar-āvāz ham

dil dhaḌakne kī sadā aa.ī bahut

Dūbnā chāheñ to ai zālim hameñ

hai tirī āñkhoñ kī gahrā.ī bahut

ham hī kuchh socheñge ab ai chāragar

dekh lī terī masīhā.ī bahut

bad-gumāñ hote na the yuuñ tujh se ham

āj-kal rahtī hai tanhā.ī bahut

bevafā us ko hī kyuuñ kahiye 'ḳhalīl'

hai hamārā dil bhī harjā.ī bahut

hon mubarak tum ko shaidai bahut

hain hamare bhi tamannai bahut

hum hi kuchh us ke na kaam aae kabhi

zindagi to apne kaam aai bahut

raat bhi the gosh-bar-awaz hum

dil dhaDakne ki sada aai bahut

Dubna chahen to ai zalim hamein

hai teri aankhon ki gahrai bahut

hum hi kuchh sochenge ab ai chaaragar

dekh li teri masihai bahut

bad-guman hote na the yun tujh se hum

aaj-kal rahti hai tanhai bahut

bewafa us ko hi kyun kahiye 'KHalil'

hai hamara dil bhi harjai bahut