hona hai gham ko KHak-basar jagte raho

honā hai ġham ko ḳhāk-basar jāgte raho

miltī hai zindagī kī ḳhabar jāgte raho

gardish vidā-e-hijr hai aur muzhda-e-visāl

gardish meñ haiñ ye shām-o-sahar jāgte raho

dekhoge sehn-e-bāġh meñ āb-e-ravāñ kā josh

lā.eñge naḳhl barg-o-samar jāgte raho

siine ko chaak chaak karo dil ko laḳht laḳht

ā.eñge ghar meñ shams-o-qamar jāgte raho

shīsha uThāo jaam meñ Dhālo ġhazal kaho

hotā hai qāfiloñ kā guzar jāgte raho

dekhoge chashm-e-nargis-e-jādū ba-kām-e-dil

dekhoge zulf tā-ba-kamar jāgte raho

raqs-e-butāñ bhī hogā yahīñ raqs-e-jām bhī

āñkhoñ meñ bhar ke josh-e-nazar jāgte raho

vaqt-e-sahar hai vaqt-e-munājāt-o-sair-e-gul

sone meñ hai ziyā-e-sahar jāgte raho

hona hai gham ko KHak-basar jagte raho

milti hai zindagi ki KHabar jagte raho

gardish wida-e-hijr hai aur muzhda-e-visal

gardish mein hain ye sham-o-sahar jagte raho

dekhoge sehn-e-bagh mein aab-e-rawan ka josh

laenge naKHl barg-o-samar jagte raho

sine ko chaak chaak karo dil ko laKHt laKHt

aaenge ghar mein shams-o-qamar jagte raho

shisha uThao jam mein Dhaalo ghazal kaho

hota hai qafilon ka guzar jagte raho

dekhoge chashm-e-nargis-e-jadu ba-kaam-e-dil

dekhoge zulf ta-ba-kamar jagte raho

raqs-e-butan bhi hoga yahin raqs-e-jam bhi

aankhon mein bhar ke josh-e-nazar jagte raho

waqt-e-sahar hai waqt-e-munajat-o-sair-e-gul

sone mein hai ziya-e-sahar jagte raho