hone ka apne wahm sa hota raha mujhe

hone kā apne vahm sā hotā rahā mujhe

yā'nī sarāb-e-zāt Dubotā rahā mujhe

ik dukh ki jis ne sañg ko dil sā banā diyā

ik ashk saarī raat bhigotā rahā mujhe

achchhe dinoñ ke ḳhvāb kī ta.abīr ke liye

maiñ us ko jāgtā huuñ jo sotā rahā mujhe

tere hī dukh kī chheḌī ga.ī rāgnī huuñ maiñ

terā hī raag dhun meñ pirotā rahā mujhe

avval badan kā bojh hai saanī hai dil kā baar

dukh hai vo ek paañv jo Dhotā rahā mujhe

hargiz maiñ kam paḌūñ na ziyāda use lagūñ

ik shaḳhs is hisāb se khotā rahā mujhe

mere dukhoñ meñ mil ga.e duniyā ke saare dukh

dukh ḳhud meñ ek umr samotā rahā mujhe

jis ne kuñvar shiven kā dībācha paḌh liyā

baaqī bachī kitāb meñ rotā rahā mujhe

hone ka apne wahm sa hota raha mujhe

ya'ni sarab-e-zat Dubota raha mujhe

ek dukh ki jis ne sang ko dil sa bana diya

ek ashk sari raat bhigota raha mujhe

achchhe dinon ke KHwab ki tabir ke liye

main us ko jagta hun jo sota raha mujhe

tere hi dukh ki chheDi gai ragni hun main

tera hi rag dhun mein pirota raha mujhe

awwal badan ka bojh hai sani hai dil ka bar

dukh hai wo ek panw jo Dhota raha mujhe

hargiz main kam paDun na ziyaada use lagun

ek shaKHs is hisab se khota raha mujhe

mere dukhon mein mil gae duniya ke sare dukh

dukh KHud mein ek umr samota raha mujhe

jis ne kunwar shiwen ka dibacha paDh liya

baqi bachi kitab mein rota raha mujhe