honTon pe dil ki baat wo lae mere liye

hoñToñ pe dil kī baat vo laa.e mire liye

lekin yuuñ na sarāb bichhā.e mire liye

de do ba-sad ḳhulūs sitāre unheñ ka.ī

jugnū liye jo haath meñ aa.e mire liye

tum ko nahīñ ḳhabar ki mahakne lagā hai dil

kāġhaz pe us ne phuul banā.e mire liye

maiñ ne bhī zaḳhm zaḳhm pe hañsne kī Thaan lī

kāñTe adū ne jab se bichhā.e mire liye

ye hijr bhī savāb se kam to nahīñ 'naved'

maiñ is ke vāste vo kamā.e mire liye

honTon pe dil ki baat wo lae mere liye

lekin yun na sarab bichhae mere liye

de do ba-sad KHulus sitare unhen kai

jugnu liye jo hath mein aae mere liye

tum ko nahin KHabar ki mahakne laga hai dil

kaghaz pe us ne phul banae mere liye

main ne bhi zaKHm zaKHm pe hansne ki Than li

kanTe adu ne jab se bichhae mere liye

ye hijr bhi sawab se kam to nahin 'nawed'

main is ke waste wo kamae mere liye