ہوش گنوا دوں جس کو پی کر وہ مے نہیں میخانے میں

ہوش گنوا دوں جس کو پی کر وہ مے نہیں میخانے میں

مجھ کو اشک ملانے ہوں گے اپنے ہر پیمانے میں

آج کے دن کا وقت مقرر اس نے کیا ہے ملنے کا

دیکھیں کتنی دیر بچی ہے آج قیامت آنے میں

تیرے ہونے سے گھر میرا مہکا مہکا رہتا تھا

تو جو نہیں تو اب رہتا ہوں جیسے اک ویرانے میں

جا میں نے آزاد کیا اب تجھ کو تیرے وعدوں سے

تجھ کو بھی آسانی ہوگی مجھ کو چھوڑ کے جانے میں

اب تو آنکھیں خشک ہوئی ہیں اس کی یاد میں رو رو کر

کوئی بتائے مجھ کو کتنی دیر ہے اس کے آنے میں

وہ تو خوش ہو کر سنتے ہیں میری محبت کا قصہ

میرا دم نکلا جاتا ہے دل کا حال سنانے میں

ساحلؔ بہتر ہے رکھ لے سینہ میں چھپا کر غم اپنا

ورنہ رسوا ہو جائے گا دل کے زخم دکھانے میں