hosh-o-hawas-o-aql se begana nahin hun

hosh-o-havās-o-aql se begāna nahīñ huuñ

be-shak junūñ meñ ġharq huuñ dīvāna nahīñ huuñ

vahshat se mirī ḳhauf na khā aa qarīb aa

mujh par tirā ḳhumār hai mastāna nahīñ huuñ

mujh meñ na tum talāsh karo mai-kashoñ sukūñ

maiñ rind-e-balā-nosh huuñ mai-ḳhāna nahīñ huuñ

nādāñ samajh ke mujh pe ināyat hai is qadar

achchhā hai nigah-e-yār meñ farzāna nahīñ huuñ

chup huuñ kī aap aaj bhī mujh ko aziiz haiñ

sāzish se varna aap kī an-jānā nahīñ huuñ

'tashna' huuñ mujh se rakh na tavaqqo tū faiz kī

shīsha to duur sāġhar-o-paimāna nahīñ huuñ

hosh-o-hawas-o-aql se begana nahin hun

be-shak junun mein gharq hun diwana nahin hun

wahshat se meri KHauf na kha aa qarib aa

mujh par tera KHumar hai mastana nahin hun

mujh mein na tum talash karo mai-kashon sukun

main rind-e-bala-nosh hun mai-KHana nahin hun

nadan samajh ke mujh pe inayat hai is qadar

achchha hai nigah-e-yar mein farzana nahin hun

chup hun ki aap aaj bhi mujh ko aziz hain

sazish se warna aap ki an-jaana nahin hun

'tashna' hun mujh se rakh na tawaqqo tu faiz ki

shisha to dur saghar-o-paimana nahin hun