hosh-o-himmat-azma shan-e-tajammul kyon nahin

hosh-o-himmat-āzmā shān-e-tajammul kyoñ nahīñ

vo kisī kā āshnāyāna taġhāful kyoñ nahīñ

zabt kī talqīn iz.hār-e-tamannā ke liye

hosh khone ke liye shart-e-tahammul kyoñ nahīñ

andalīb-e-ḳhud-nigar kyoñ rāt-din āh-o-bukā

ehtirām-e-jazba-e-ḳhuddārī-e-gul kyoñ nahīñ

shaad ho mahbūb to nāshād koī kis liye

ḳhanda-e-gul bā.is-e-taskīn-e-bulbul kyoñ nahīñ

DhūñDhtī hai aañkh phir vo sa.ī-e-begāna-vashī

dāvat-e-armāñ ba-andāz-e-taġhāful kyoñ nahīñ

sharm kā le kar sahārā vo nazar uTThī to kyā

ye sharār-e-barq āzād-e-tavassul kyoñ nahīñ

jo nigāheñ sarf-e-tārāj-e-shu.ūr-o-hosh thiiñ

aaj vo ġhārat-gar-e-sabr-o-tahammul kyoñ nahīñ

jaam ḳhālī ho to rangīnī ko us kī kyā kareñ

bāda-e-gulfām se pur sāġhar-e-gul kyoñ nahīñ

vo sukūñ vo āshtī vo sarḳhushī paa.eñ kahāñ

zindagī tasvīr-e-firdaus-e-taḳhayyul kyoñ nahīñ

hosh-o-himmat-azma shan-e-tajammul kyon nahin

wo kisi ka aashnayana taghaful kyon nahin

zabt ki talqin izhaar-e-tamanna ke liye

hosh khone ke liye shart-e-tahammul kyon nahin

andalib-e-KHud-nigar kyon raat-din aah-o-buka

ehtiram-e-jazba-e-KHuddari-e-gul kyon nahin

shad ho mahbub to nashad koi kis liye

KHanda-e-gul bais-e-taskin-e-bulbul kyon nahin

DhunDhti hai aankh phir wo sai-e-begana-washi

dawat-e-arman ba-andaz-e-taghaful kyon nahin

sharm ka le kar sahaara wo nazar uTThi to kya

ye sharar-e-barq aazad-e-tawassul kyon nahin

jo nigahen sarf-e-taraj-e-shuur-o-hosh thin

aaj wo ghaarat-gar-e-sabr-o-tahammul kyon nahin

jam KHali ho to rangini ko us ki kya karen

baada-e-gulfam se pur saghar-e-gul kyon nahin

wo sukun wo aashti wo sarKHushi paen kahan

zindagi taswir-e-firdaus-e-taKHayyul kyon nahin