hosh-o-KHirad ko kar diya tark aur shaghl jo kuchh tha chhoD diya

hosh-o-ḳhirad ko kar diyā tark aur shaġhl jo kuchh thā chhoḌ diyā

ham ne tumhārī chaah meñ ai jaañ dekho to kyā kyā chhoḌ diyā

kūche meñ us rashk-e-chaman ke jā ke jo baiThā phir us ne

bāġh-o-chaman yaañ jitne haiñ sab kā sair-o-tamāshā chhoḌ diyā

luuTā hosh aur luuTā diiñ ko dil ko bhī kuchlā kyā kyā vaah

naaz ko us ne aaj to kuchh be-dād par aisā chhoḌ diyā

din ko hamāre paas vo chanchal kaahe ko āvegā ai dil

raat ko ik dam ḳhvāb meñ aanā jis ne idhar kā chhoḌ diyā

tā.ir-e-dil jab ham se gayā phir fā.eda kyā jo pūchheñ 'nazīr'

shoḳh ne us ko zab.h kyā yā qaid rakhā yā chhoḌ diyā

hosh-o-KHirad ko kar diya tark aur shaghl jo kuchh tha chhoD diya

hum ne tumhaari chah mein ai jaan dekho to kya kya chhoD diya

kuche mein us rashk-e-chaman ke ja ke jo baiTha phir us ne

bagh-o-chaman yan jitne hain sab ka sair-o-tamasha chhoD diya

luTa hosh aur luTa din ko dil ko bhi kuchla kya kya wah

naz ko us ne aaj to kuchh be-dad par aisa chhoD diya

din ko hamare pas wo chanchal kahe ko aawega ai dil

raat ko ek dam KHwab mein aana jis ne idhar ka chhoD diya

tair-e-dil jab hum se gaya phir faeda kya jo puchhen 'nazir'

shoKH ne us ko zabh kya ya qaid rakha ya chhoD diya