hota hai is jahan mein kise nagawar jhuT

hotā hai is jahāñ meñ kise nāgavār jhuuT

jab sach huā zalīl to ālī-vaqār jhuuT

tahzīb-e-nau kā 'shā.era' hai shāhkār jhuuT

be-iḳhtiyār sach huā bā-iḳhtiyār jhuuT

kitnā hasīñ fareb hai parvardigār jhuuT

jān-e-qarār jhuuT hai jān-e-bahār jhuuT

ye sub.h-o-shām jhuuT ye lail-o-nahār jhuuT

saarī hī zindagī kā hai ab kārobār jhuuT

bantī nahīñ hai baat bhī sach baat ke liye

jab tak na bolā jaa.e yahāñ baar baar jhuuT

yuuñ sach bhī de rahā hai yahāñ jhuuT ko ḳhirāj

sach baat ke liye bhī karo iḳhtiyār jhuuT

apnī vafā ke laakh diye tū ne go fareb

terī nazar se ho hī gayā āshkār jhuuT

ab manzil-e-vafā kā bharosā nahīñ rahā

ai ishq ban ga.ī hai tirī rahguzār jhuuT

sach hī kā bol-bālā rahā 'shā.era' sadā

sach pā.edār hī rahā nā-pā.edār jhuuT

hota hai is jahan mein kise nagawar jhuT

jab sach hua zalil to aali-waqar jhuT

tahzib-e-nau ka 'shaera' hai shahkar jhuT

be-iKHtiyar sach hua ba-iKHtiyar jhuT

kitna hasin fareb hai parwardigar jhuT

jaan-e-qarar jhuT hai jaan-e-bahaar jhuT

ye subh-o-sham jhuT ye lail-o-nahaar jhuT

sari hi zindagi ka hai ab karobar jhuT

banti nahin hai baat bhi sach baat ke liye

jab tak na bola jae yahan bar bar jhuT

yun sach bhi de raha hai yahan jhuT ko KHiraj

sach baat ke liye bhi karo iKHtiyar jhuT

apni wafa ke lakh diye tu ne go fareb

teri nazar se ho hi gaya aashkar jhuT

ab manzil-e-wafa ka bharosa nahin raha

ai ishq ban gai hai teri rahguzar jhuT

sach hi ka bol-baala raha 'shaera' sada

sach paedar hi raha na-paedar jhuT