hota har qaid se aazad to achchha hota

hotā har qaid se āzād to achchhā hotā

kaash maiñ peḌ se TuuTā huā pattā hotā

vo hai bas ek sarāb us kā ta.āqub na karo

abr hotā to kahīñ TuuT ke barsā hotā

chāñd ban kar hai tū muhtāj-e-ziyā-e-ḳhurshīd

sham.a bantā to kisī ghar kā ujālā hotā

chhīn liiñ mujh se ujāloñ ne tirī yādeñ bhī

is se behtar thā ki duniyā meñ añdherā hotā

na sahī mere liye sa.i-e-mudāvā na sahī

kam se kam tum ne mirā haal to pūchhā hotā

hota har qaid se aazad to achchha hota

kash main peD se TuTa hua patta hota

wo hai bas ek sarab us ka taaqub na karo

abr hota to kahin TuT ke barsa hota

chand ban kar hai tu muhtaj-e-ziya-e-KHurshid

shama banta to kisi ghar ka ujala hota

chhin lin mujh se ujalon ne teri yaaden bhi

is se behtar tha ki duniya mein andhera hota

na sahi mere liye sai-e-mudawa na sahi

kam se kam tum ne mera haal to puchha hota