hote rahe hain radd-o-badal is zamin par

hote rahe haiñ radd-o-badal is zamīn par

khanDar bhī ban ga.e haiñ mahal is zamīn par

parvāz par ho aaj uḌo āsmān meñ

aanā paḌegā lauT ke kal is zamīn par

marne ke ba.ad ho ki na ho svarg aur nark

bo.oge jaisā pāoge phal is zamīn par

is aaj ko pakaḌ ke vasūlo har ek pal

aa.egā ye na lauT ke kal is zamīn par

shīshe sā terā dil hai zarā saaf rakh ise

ban jā.egā ye shīsh-mahal is zamīn par

anjām ishq kā hai judā.ī yaqīn kar

batlā rahā hai tāj-mahal is zamīn par

ham se kahā gayā na 'nayā' sher ek bhī

aa.ī utar ke ḳhud hī ġhazal is zamīn par

hote rahe hain radd-o-badal is zamin par

khanDar bhi ban gae hain mahal is zamin par

parwaz par ho aaj uDo aasman mein

aana paDega lauT ke kal is zamin par

marne ke baad ho ki na ho swarg aur nark

booge jaisa paoge phal is zamin par

is aaj ko pakaD ke wasulo har ek pal

aaega ye na lauT ke kal is zamin par

shishe sa tera dil hai zara saf rakh ise

ban jaega ye shish-mahal is zamin par

anjam ishq ka hai judai yaqin kar

batla raha hai taj-mahal is zamin par

hum se kaha gaya na 'naya' sher ek bhi

aai utar ke KHud hi ghazal is zamin par