hua hai har tarah pamal qalb-e-na-tawan mera

huā hai har tarah pāmāl qalb-e-nā-tavāñ merā

bigāḌegā bhalā ab aur kyā ye āsmāñ merā

sunā.ūñ apnī rūdād-e-mohabbat kis ko duniyā meñ

na koī ham-nafas merā na koī rāz-dāñ merā

nazar se duur hai manzil abhī hai bebasī apnī

bhaTaktā hai abhī rāh-e-junūñ meñ kārvāñ merā

hazāroñ āñdhiyāñ aa.eñ hazāroñ bijliyāñ chamkeñ

rahegā hashr tak ābād yūñhī gulsitāñ merā

junūn-o-hosh kī har kaifiyat se be-ḳhabar ho kar

tumhārī yaad meñ Duubā hai qalb-e-nā-tavāñ merā

maiñ har ik āzmā.ish ke liye tayyār huuñ 'nayyar'

vo jis tarah bhī chāheñ shauq se leñ imtihāñ merā

hua hai har tarah pamal qalb-e-na-tawan mera

bigaDega bhala ab aur kya ye aasman mera

sunaun apni rudad-e-mohabbat kis ko duniya mein

na koi ham-nafas mera na koi raaz-dan mera

nazar se dur hai manzil abhi hai bebasi apni

bhaTakta hai abhi rah-e-junun mein karwan mera

hazaron aandhiyan aaen hazaron bijliyan chamken

rahega hashr tak aabaad yunhi gulsitan mera

junun-o-hosh ki har kaifiyat se be-KHabar ho kar

tumhaari yaad mein Duba hai qalb-e-na-tawan mera

main har ek aazmaish ke liye tayyar hun 'nayyar'

wo jis tarah bhi chahen shauq se len imtihan mera