hua jab TuTna abtar nawa be-sud shishe ka

huā jab TūTnā abtar navā be-sūd shīshe kā

uThā shahr-e-qazā meñ mudda.ā nā-būd shīshe kā

ki bas bāda-kashī matlab tavāñ har jā hai shīshe kī

thā kab marġhūb thā idrāk yaañ mardūd shīshe kā

nafas marg-e-nafas hotā hai juuñ shīshe kī ḳhilqat meñ

asar be-laus hotā hai jidhar mahdūd shīshe kā

kisū ḳhāliq kā da.avā kar gayā phir mar gayā insāñ

ḳhudā.ī kar nahīñ saktā kabhī namrūd shīshe kā

ibārat muntaqil rahtī hai phir parvardigārāñ se

kahīñ but hai tū patthar kā kahīñ ma.abūd shīshe kā

'abāñ' ko tum kaho insāñ kaho insāñ ko tum shīsha

kaho maujūd insāñ to kaho maujūd shīshe kā

hua jab TuTna abtar nawa be-sud shishe ka

uTha shahr-e-qaza mein muddaa na-bud shishe ka

ki bas baada-kashi matlab tawan har ja hai shishe ki

tha kab marghub tha idrak yan mardud shishe ka

nafas marg-e-nafas hota hai jun shishe ki KHilqat mein

asar be-laus hota hai jidhar mahdud shishe ka

kisu KHaliq ka dawa kar gaya phir mar gaya insan

KHudai kar nahin sakta kabhi namrud shishe ka

ibarat muntaqil rahti hai phir parwardigaran se

kahin but hai tu patthar ka kahin mabud shishe ka

'aban' ko tum kaho insan kaho insan ko tum shisha

kaho maujud insan to kaho maujud shishe ka