hua KHurshid ke dekhe se duna iztirab apna

Nazeer Akbarabadi

hua KHurshid ke dekhe se duna iztirab apna

Nazeer Akbarabadi

MORE BYNazeer Akbarabadi

    huā ḳhurshīd ke dekhe se duunā iztirāb apnā

    ki ye niklā sahar ko aur na niklā āftāb apnā

    tire muñh ke jo har dam rū-ba-rū aane ko kahtā hai

    zarā ā.īna le kar muñh to dekhe āftāb apnā

    na itnā zulm kar ai chāñdnī bahr-e-ḳhudā chhup

    tujhe dekhe se yaad aatā hai mujh ko māhtāb apnā

    ḳhafā dekhā hai us ko ḳhvāb meñ dil saḳht muztar hai

    khilā de dekhiye kyā kyā gul-e-tābīr-e-ḳhvāb apnā

    sahar-āsā ayaañ hote rāh-e-adam ham ne

    huā aanā bhī aur jaanā bhī aisā kuchh shitāb apnā

    'nazīr' is bahr meñ fursat kam aur aish-o-tarab lākhoñ

    to phir ab haq-ba-jānib hai kare kyā kyā hisāb apnā

    hua KHurshid ke dekhe se duna iztirab apna

    ki ye nikla sahar ko aur na nikla aaftab apna

    tere munh ke jo har dam ru-ba-ru aane ko kahta hai

    zara aaina le kar munh to dekhe aaftab apna

    na itna zulm kar ai chandni bahr-e-KHuda chhup ja

    tujhe dekhe se yaad aata hai mujh ko mahtab apna

    KHafa dekha hai us ko KHwab mein dil saKHt muztar hai

    khila de dekhiye kya kya gul-e-tabir-e-KHwab apna

    sahar-asa ayan hote hi li rah-e-adam hum ne

    hua aana bhi aur jaana bhi aisa kuchh shitab apna

    'nazir' is bahr mein fursat kam aur aish-o-tarab lakhon

    to phir ab haq-ba-jaanib hai kare kya kya hisab apna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY