hue hain dost jab ai yar hum tum

hue haiñ dost jab ai yaar ham tum

kareñ kyoñ bāhamī takrār ham tum

maiñ tum par aur tum dushman pe maa.il

hue haiñ saath hī bīmār ham tum

haiñ mahrūm-e-visāl-e-yār donoñ

na hoñ majbūr aur lāchār ham tum

likheñ ulfat kī dastāvez bāham

adālat meñ kareñ iqrār ham tum

usī ik but ke haiñ donoñ pujārī

chalo ab pahn leñ zunnār ham tum

kahāñ jaate ho aadhī raat aa.ī

chalo ab so raheñ ai yaar ham tum

yahī kah kar liyā thā dil na tum ne

qayāmat tak rakheñge pyaar ham tum

maza jab hai ki hoñ ulfat kī bāteñ

kareñ phir ishq kā iz.hār ham tum

ye kah kar so ga.e vo ham se 'āfāq'

chaleñge sub.h ko gulzār ham tum

hue hain dost jab ai yar hum tum

karen kyon bahami takrar hum tum

main tum par aur tum dushman pe mail

hue hain sath hi bimar hum tum

hain mahrum-e-visal-e-yar donon

na hon majbur aur lachaar hum tum

likhen ulfat ki dastawez baham

adalat mein karen iqrar hum tum

usi ek but ke hain donon pujari

chalo ab pahn len zunnar hum tum

kahan jate ho aadhi raat aai

chalo ab so rahen ai yar hum tum

yahi kah kar liya tha dil na tum ne

qayamat tak rakhenge pyar hum tum

maza jab hai ki hon ulfat ki baaten

karen phir ishq ka izhaar hum tum

ye kah kar so gae wo hum se 'afaq'

chalenge subh ko gulzar hum tum