hue jama afkar sar mein bahut

hue jam.a afkār sar meñ bahut

paḌe pech arz-e-hunar meñ bahut

gurezāñ hai har manzar-e-jism-o-jāñ

koī shai hai andar safar meñ bahut

satāne ko bāhar balā.eñ ka.ī

Darāne ko aaseb ghar meñ bahut

kahūñ kyā ki hai saañs dekhī huī

havā band hai is nagar meñ bahut

umīd-e-samar rakh na 'shāhīñ' abhī

ki zahr-e-ḳhizāñ hai shajar meñ bahut

hue jama afkar sar mein bahut

paDe pech arz-e-hunar mein bahut

gurezan hai har manzar-e-jism-o-jaan

koi shai hai andar safar mein bahut

satane ko bahar balaen kai

Darane ko aaseb ghar mein bahut

kahun kya ki hai sans dekhi hui

hawa band hai is nagar mein bahut

umid-e-samar rakh na 'shahin' abhi

ki zahr-e-KHizan hai shajar mein bahut