hue karwan se juda jo hum rah-e-ashiqi mein fana hue

hue kārvāñ se judā jo ham rah-e-āshiqī meñ fanā hue

jo gire to naqsh-e-qadam bane jo uThe to bāñg-e-darā hue

jo havā se zulf bikhar ga.ī nazar un kī saaf badal ga.ī

jo asīr-e-halqa-e-nāz the vo qatīl-e-teġh-e-adā hue

huā ba.ad-e-vasl ajab mazā ki ḳhamosh baiThe judā judā

hama-tan maiñ sabr-o-sukūñ huā hama-tan vo sharm-o-hayā hue

uThe ham jo ḳhvāb-o-ḳhayāl hai lage takne dīda-e-hāl se

ki vo kab uThe vo kidhar ga.e abhī paas the abhī kyā hue

jo nigah hai chashm-e-siyāh meñ vahī barq-e-tūr hai raah meñ

tirī aañkh par jo fidā hue vo shahīd-e-rāh-e-ḳhudā hue

bane 'qadr' aise ġhubār ham hue gardishoñ meñ vo ḳhaar ham

ki misāl-e-dā.era-e-falak jo uThe to be-sar-o-pā hue

hue karwan se juda jo hum rah-e-ashiqi mein fana hue

jo gire to naqsh-e-qadam bane jo uThe to bang-e-dara hue

jo hawa se zulf bikhar gai nazar un ki saf badal gai

jo asir-e-halqa-e-naz the wo qatil-e-tegh-e-ada hue

hua baad-e-wasl ajab maza ki KHamosh baiThe juda juda

hama-tan main sabr-o-sukun hua hama-tan wo sharm-o-haya hue

uThe hum jo KHwab-o-KHayal hai lage takne dida-e-haal se

ki wo kab uThe wo kidhar gae abhi pas the abhi kya hue

jo nigah hai chashm-e-siyah mein wahi barq-e-tur hai rah mein

teri aankh par jo fida hue wo shahid-e-rah-e-KHuda hue

bane 'qadr' aise ghubar hum hue gardishon mein wo KHar hum

ki misal-e-daera-e-falak jo uThe to be-sar-o-pa hue