hui hai did na koi nawed aai hai

huī hai diid na koī naved aa.ī hai

ajiib rang meñ kuchh ab ke eid aa.ī hai

jidhar jidhar bhī tirī muztarib nigāh uThī

idhar udhar se dil-o-jāñ ḳharīd aa.ī hai

sañbhal sañbhal ke chale jab bhī un ke kūche meñ

to jān-o-dil pe tabāhī mazīd aa.ī hai

kisī ne pūchh liyā hai jo dil kā haal kabhī

to jaise kūcha-e-armāñ meñ eid aa.ī hai

'ayāz' kūcha-e-qātil se aaj dil kī havas

ḳhushī ke naam pe kuchh ġham ḳharīd aa.ī hai

hui hai did na koi nawed aai hai

ajib rang mein kuchh ab ke eid aai hai

jidhar jidhar bhi teri muztarib nigah uThi

idhar udhar se dil-o-jaan KHarid aai hai

sanbhal sanbhal ke chale jab bhi un ke kuche mein

to jaan-o-dil pe tabahi mazid aai hai

kisi ne puchh liya hai jo dil ka haal kabhi

to jaise kucha-e-arman mein eid aai hai

'ayaz' kucha-e-qatil se aaj dil ki hawas

KHushi ke nam pe kuchh gham KHarid aai hai