hui shakl apni ye ham-nashin jo sanam ko humse hijab hai
hui shakl apni ye ham-nashin jo sanam ko humse hijab hai
Nazeer Akbarabadi
MORE BYNazeer Akbarabadi
huī shakl apnī ye ham-nashīñ jo sanam ko ham se hijāb hai
kabhī ashk hai kabhī aah hai kabhī rañj hai kabhī taab hai
zarā dar pe us ke pahuñch ke ham jo bulāveñ us ko to dosto
kabhī ġhussa hai kabhī chheḌ hai kabhī hiila hai kabhī ḳhvāb hai
jo us anjuman meñ haiñ baiThte to mizāj us ke se ham ko vaañ
kabhī ijz hai kabhī biim hai kabhī rasm hai kabhī daab hai
vo udhar se jā ke jo aatā hai use donoñ haal se dil meñ yaañ
kabhī soch hai kabhī fikr hai kabhī ġhaur hai kabhī taab hai
jo vo ba.ad bosa ke naaz se zarā jhiḌke hai to 'nazīr' ko
kabhī misrī hai kabhī qand hai kabhī shahd hai kabhī raab hai
hui shakl apni ye ham-nashin jo sanam ko hum se hijab hai
kabhi ashk hai kabhi aah hai kabhi ranj hai kabhi tab hai
zara dar pe us ke pahunch ke hum jo bulawen us ko to dosto
kabhi ghussa hai kabhi chheD hai kabhi hila hai kabhi KHwab hai
jo us anjuman mein hain baiThte to mizaj us ke se hum ko wan
kabhi ijz hai kabhi bim hai kabhi rasm hai kabhi dab hai
wo udhar se ja ke jo aata hai use donon haal se dil mein yan
kabhi soch hai kabhi fikr hai kabhi ghaur hai kabhi tab hai
jo wo baad bosa ke naz se zara jhiDke hai to 'nazir' ko
kabhi misri hai kabhi qand hai kabhi shahd hai kabhi rab hai
- Deewan-e-Nazeer Akbarabadi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
