hui to ja dil mein us sanam ki namaz mein sar jhuka jhuka kar

huī to jā dil meñ us sanam kī namāz meñ sar jhukā jhukā kar

haram se but-ḳhāne tak to pahuñchā ḳhudā ḳhudā kar ḳhudā ḳhudā kar

lahad meñ kyā zikr raushnī kā sar-e-lahad bhī jo rahm khā kar

jalā kiyā jab charāġh koī havā ne ThanDā kiyā bujhā kar

nishān-e-barbād-gān-e-ālam jo pūchhe sahrā meñ ham ne jā kar

sabā se uḌ uḌ ke gard baiThī bagūle uTThe havā meñ aa kar

jo chashm-e-anjām-e-bīñ se dekhā bahār do din hai phir ḳhizāñ hai

ma.āl-e-gulshan pe roī shabnam hañse gul-e-tar jo khil-khilā kar

butoñ kī pur-āb añkhḌiyoñ meñ khulā ye dekhā jo putliyoñ ko

ye vo haiñ hindū dharam jaman se phire jo gañgā chale nahā kar

ḳhayāl-e-hajj-e-haram ko chhoḌā sunā jo shah-e-rag se hai qarīñ-tar

tavāf-e-dil hī kiyā kiye ham ga.e na ka.abe ko pher khā kar

zamīñ meñ ai 'shād' mar ga.e par falak dabā.e to kyā gila hai

miyān-e-turbat hamāre pahlū hameñ dabāte haiñ murda pā kar

hui to ja dil mein us sanam ki namaz mein sar jhuka jhuka kar

haram se but-KHane tak to pahuncha KHuda KHuda kar KHuda KHuda kar

lahad mein kya zikr raushni ka sar-e-lahad bhi jo rahm kha kar

jala kiya jab charagh koi hawa ne ThanDa kiya bujha kar

nishan-e-barbaad-gan-e-alam jo puchhe sahra mein hum ne ja kar

saba se uD uD ke gard baiThi bagule uTThe hawa mein aa kar

jo chashm-e-anjam-e-bin se dekha bahaar do din hai phir KHizan hai

maal-e-gulshan pe roi shabnam hanse gul-e-tar jo khil-khila kar

buton ki pur-ab ankhDiyon mein khula ye dekha jo putliyon ko

ye wo hain hindu dharam jaman se phire jo ganga chale naha kar

KHayal-e-hajj-e-haram ko chhoDa suna jo shah-e-rag se hai qarin-tar

tawaf-e-dil hi kiya kiye hum gae na kabe ko pher kha kar

zamin mein ai 'shad' mar gae par falak dabae to kya gila hai

miyan-e-turbat hamare pahlu hamein dabaate hain murda pa kar