ہجوم غم جاوداں ہو رہا ہے
ہجوم غم جاوداں ہو رہا ہے
مرے صبر کا امتحاں ہو رہا ہے
فسانہ ترے عشق کا کہہ رہا ہوں
زمانہ مرا ہم زباں ہو رہا ہے
بس اک میرے ہی آشیاں کی خلش سے
جسے دیکھیے باغباں ہو رہا ہے
نہ ڈوبے کہیں آرزوؤں کی کشتی
مرا بحر غم پھر رواں ہو رہا ہے
ذرا باغباں ہو گیا ہے جو غافل
ہر اک پھول اک آشیاں ہو رہا ہے
تری راہ میں کارواں زندگی کا
غبار پس کارواں ہو رہا ہے
نشیمن کے تنکوں سے پھوٹے ہیں غنچے
مرا آشیاں گلستاں ہو رہا ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
