hujum-e-gham mein jo ghabra ke aaj ro dete

hujūm-e-ġham meñ jo ghabrā ke aaj ro dete

hameñ yaqīñ thā ki phir aap ko bhī kho dete

huī hai ḳhair ki sāhil pe tum ko dekh liyā

vagarna aaj safīne ko ham Dubo dete

karam kiyā hai jo us ne baḌhā diyā dāman

ham apne ashk zamīñ par girā ke kho dete

palak pe un kī jo hañsne meñ ashk aa jaatā

ham apne ġham ko usī ashk meñ samo dete

tumhāre ashkoñ meñ 'nāsir' vafā kā rang nahīñ

tum apne dil meñ koī ḳhaar hī chubho dete

hujum-e-gham mein jo ghabra ke aaj ro dete

hamein yaqin tha ki phir aap ko bhi kho dete

hui hai KHair ki sahil pe tum ko dekh liya

wagarna aaj safine ko hum Dubo dete

karam kiya hai jo us ne baDha diya daman

hum apne ashk zamin par gira ke kho dete

palak pe un ki jo hansne mein ashk aa jata

hum apne gham ko usi ashk mein samo dete

tumhaare ashkon mein 'nasir' wafa ka rang nahin

tum apne dil mein koi KHar hi chubho dete