hujum-e-shahr mein aae bahut the

hujūm-e-shahr meñ aa.e bahut the

ki ham tanhā.ī ke maare bahut the

'ajab kasrat meñ vahdat ho rahī thī

ki chehra ek ā.īne bahut the

zamāne ko magar tishna na rakkhā

ham aise log jo pyāse bahut the

abhī tak chīḳh vo niklī nahīñ kyā

havelī meñ to darvāze bahut the

maiñ tujh ko ḳhvāb meñ jab chhū rahā thā

mire dālān meñ saa.e bahut the

hujum-e-shahr mein aae bahut the

ki hum tanhai ke mare bahut the

'ajab kasrat mein wahdat ho rahi thi

ki chehra ek aaine bahut the

zamane ko magar tishna na rakkha

hum aise log jo pyase bahut the

abhi tak chiKH wo nikli nahin kya

haweli mein to darwaze bahut the

main tujh ko KHwab mein jab chhu raha tha

mere dalan mein sae bahut the