hujum-e-shauq-e-tamanna se tum kahan waqif

hujūm-e-shauq-e-tamannā se tum kahāñ vāqif

mire ḳhayāl kī duniyā se tum kahāñ vāqif

guzar rahī hai jo mujh par tumheñ ḳhabar kyā hai

mire mazāq-e-tamanna se tum kahāñ vāqif

tum ek paikar-e-nāz-o-adā sahī lekin

niyāz-o-ishq ke saudā se tum kahāñ vāqif

nigāh-e-shauq kā armān tum ko kyā ma.alūm

hamāre zauq-e-tamāshā se tum kahāñ vāqif

hamāre dāġh-e-mohabbat kī qadr kyā tum ko

charāġh-e-shām-e-tamannā se tum kahāñ vāqif

tumheñ ḳhabar nahīñ uftād kyā 'ziyā' par hai

fareb-ḳhurda-e-duniyā se tum kahāñ vāqif

hujum-e-shauq-e-tamanna se tum kahan waqif

mere KHayal ki duniya se tum kahan waqif

guzar rahi hai jo mujh par tumhein KHabar kya hai

mere mazaq-e-tamanna se tum kahan waqif

tum ek paikar-e-naz-o-ada sahi lekin

niyaz-o-ishq ke sauda se tum kahan waqif

nigah-e-shauq ka arman tum ko kya malum

hamare zauq-e-tamasha se tum kahan waqif

hamare dagh-e-mohabbat ki qadr kya tum ko

charagh-e-sham-e-tamanna se tum kahan waqif

tumhein KHabar nahin uftad kya 'ziya' par hai

fareb-KHurda-e-duniya se tum kahan waqif