hukm-e-murshid pe hi ji uThna hai mar jaana hai

hukm-e-murshid pe hī jī uThnā hai mar jaanā hai

ishq jis samt bhī le jaa.e udhar jaanā hai

merī bīnā.ī tire qurb kī marhūn hai dost

haath chhoḌvā ke bhalā tujh se kidhar jaanā hai

us kī chhāñv meñ bhī thak kar nahīñ baiThā jaatā

tū ne jis peḌ ko phaldār shajar jaanā hai

hue ḳhadshāt ki pahchān nahīñ paayā tujhe

maiñ samajhtā thā ki tū ne bhī bichhaḌ jaanā hai

laḌkhaḌātā huuñ to vo ro ke lipaT jaatā hai

maiñ ne girnā hai to us shaḳhs ne mar jaanā hai

ḳhushk mashkīza liye ḳhālī palaTnā hai use

aur dariyāoñ kā shīrāza bikhar jaanā hai

hukm-e-murshid pe hi ji uThna hai mar jaana hai

ishq jis samt bhi le jae udhar jaana hai

meri binai tere qurb ki marhun hai dost

hath chhoDwa ke bhala tujh se kidhar jaana hai

us ki chhanw mein bhi thak kar nahin baiTha jata

tu ne jis peD ko phaldar shajar jaana hai

hue KHadshat ki pahchan nahin paya tujhe

main samajhta tha ki tu ne bhi bichhaD jaana hai

laDkhaData hun to wo ro ke lipaT jata hai

main ne girna hai to us shaKHs ne mar jaana hai

KHushk mashkiza liye KHali palaTna hai use

aur dariyaon ka shiraaza bikhar jaana hai