hukumat ko gira kar hukmrani karne wale the

hukūmat ko girā kar hukmrānī karne vaale the

yahāñ kuchh log sab kuchh zāfrānī karne vaale the

ki bārish ne yaqīnan rok dī hijrat parindoñ kī

vagarna sab ke sab naql-e-makānī karne vaale the

ishāroñ kī zabāñ shāyad samajh un ko nahīñ aatī

ki jin se guftugū ham be-zabānī karne vaale the

vahī rusvā.ī kā merī sabab āḳhir bane maulā

vahī jo log kal shāmeñ suhānī karne vaale the

vo sab chehre kisī ke ghar kī zīnat ban ga.e āḳhir

mire ash.ār kī jo tarjumānī karne vaale the

hukumat ko gira kar hukmrani karne wale the

yahan kuchh log sab kuchh zafrani karne wale the

ki barish ne yaqinan rok di hijrat parindon ki

wagarna sab ke sab naql-e-makani karne wale the

ishaaron ki zaban shayad samajh un ko nahin aati

ki jin se guftugu hum be-zabani karne wale the

wahi ruswai ka meri sabab aaKHir bane maula

wahi jo log kal shamen suhani karne wale the

wo sab chehre kisi ke ghar ki zinat ban gae aaKHir

mere ashaar ki jo tarjumani karne wale the