ek bose ke liye itna hamein dauDaenge

ek bose ke liye itnā hameñ dauḌā.eñge

kyā ḳhabar thī vo qutub-mīnār par chaḌh jā.eñge

chaar din ke ishq ne ham ko ḳhamīra kar diyā

dekhnā hai aur vo kitnā karam farmā.eñge

hijr ke session meñ ham ne bhī irāda kar liyā

ThāTh se khatiyā bichhā kar din Dhale so jā.eñge

bad-duā.eñ de rahe ho vāqa.ī afsos hai

tum kahāñ jāoge jab ushshāq hī mar jā.eñge

kuchh to kahiye aap le kar ā.eñge kitnā jahez

zindagī bhar kyā sunahre ḳhvāb hī dikhlā.eñge

is qadar nārāz haiñ 'masrūr' se vo in dinoñ

kah rahe haiñ jā ke thāne meñ rapaT likhvā.eñge

ek bose ke liye itna hamein dauDaenge

kya KHabar thi wo qutub-minar par chaDh jaenge

chaar din ke ishq ne hum ko KHamira kar diya

dekhna hai aur wo kitna karam farmaenge

hijr ke session mein hum ne bhi irada kar liya

ThaTh se khatiya bichha kar din Dhale so jaenge

bad-duaen de rahe ho waqai afsos hai

tum kahan jaoge jab ushshaq hi mar jaenge

kuchh to kahiye aap le kar aaenge kitna jahez

zindagi bhar kya sunahre KHwab hi dikhlaenge

is qadar naraaz hain 'masrur' se wo in dinon

kah rahe hain ja ke thane mein rapaT likhwaenge