حروف عرض طلب کی صورت گزرتے لمحوں کا خواب لکھنا
حروف عرض طلب کی صورت گزرتے لمحوں کا خواب لکھنا
ہماری آنکھوں کے سامنے ہی ہمارے دل کی کتاب لکھنا
کسی کی نظروں کی نرم بارش سے جب بھی بھیگے بدن کی مٹی
سلگتی سانسوں کے پیرہن پر حدیث حسن و شباب لکھنا
ہمارے ہونٹوں کی تشنہ کامی تمہاری آنکھوں سے جب بھی لپکے
کہیں یہ تتلی کہیں پہ غنچہ کہیں شگفتہ گلاب لکھنا
کبھی حقیقت سے کھیل لینا کبھی الجھنا مجاز سے تم
کبھی کسی سے کرم کی خواہش کبھی کسی سے عذاب لکھنا
مجھے تم اتنی بلندیوں پر نہ لاؤ کہ میں خدا نہیں ہوں
مری حقیقت کے حاشیے میں مرے فسانے کا باب لکھنا
تم اپنے جیتے گھروں میں اپنے گھروں کی سازش بھی کرنا شامل
اکھڑتے خیموں کی قیمتوں میں اسدؔ فریب طناب لکھنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
