حسن عکس جمال فطرت ہے
عشق سر چشمۂ محبت ہے
کھل گیا غنچۂ شباب کہیں
نکہتوں میں نہائی خلوت ہے
مدعا ہے لرزتے ہونٹوں پر
امتحان وقار غربت ہے
اپنے گھر میں بھی ہم نہیں محفوظ
کوئی تہمت نہیں حقیقت ہے
دیکھ کر ہم کو برسر پیکار
گردش وقت محو حیرت ہے
میری غزلوں پہ کیجئے تنقید
مجھ کو اس کی بہت ضرورت ہے
ہم ہیں اردو زباں کے خود قاتل
اے طربؔ کیوں کسی پہ تہمت ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
