husn-e-fitrat se moattar tha kabhi

husn-e-fitrat se mo.attar thā kabhī

dil sahīfoñ se munavvar thā kabhī

ye hai mausam kī sharārat ab ke

varna har peḌ samar-var thā kabhī

khā ga.ī lahr koī tūfānī

ek chhoTā sā yahīñ ghar thā kabhī

jo nazar aatā hai gūñgā banjar

saut-o-ma.anī kā samundar thā kabhī

kirchī kirchī hai yaqīñ kā shīsha

jo mirī ziist kā mehvar thā kabhī

tishnagī bhar ga.ī sho.ale 'sājid'

zehn soyā huā ḳhanjar thā kabhī

husn-e-fitrat se moattar tha kabhi

dil sahifon se munawwar tha kabhi

ye hai mausam ki shararat ab ke

warna har peD samar-war tha kabhi

kha gai lahr koi tufani

ek chhoTa sa yahin ghar tha kabhi

jo nazar aata hai gunga banjar

saut-o-mani ka samundar tha kabhi

kirchi kirchi hai yaqin ka shisha

jo meri zist ka mehwar tha kabhi

tishnagi bhar gai shoale 'sajid'

zehn soya hua KHanjar tha kabhi