husn-e-nazzara sahi jalwa-dar-aghosh sahi
husn-e-nazzāra sahī jalva-dar-āġhosh sahī
ishq phir ishq hai be-ḳhud sahī mad.hosh sahī
kuchh nuqūsh aise bhī haiñ jo nahīñ miTte dil se
zindagī ishq kī ik ḳhvāb-e-farāmosh sahī
kuchh na kuchh sochnā paḌtā hai sukūñ kī ḳhātir
un kī mahfil na sahī maut kī āġhosh sahī
aa.ina ishq-o-mohabbat kā ba-har-hāl hai dil
shor-e-naġhma na sahī nāla-e-ḳhāmosh sahī
irtibāt-e-nazar-o-dil na miTā hai na miTe
maiñ to rū-posh nahīñ un se vo rū-posh sahī
husn-e-nazzara sahi jalwa-dar-aghosh sahi
ishq phir ishq hai be-KHud sahi madhosh sahi
kuchh nuqush aise bhi hain jo nahin miTte dil se
zindagi ishq ki ek KHwab-e-faramosh sahi
kuchh na kuchh sochna paDta hai sukun ki KHatir
un ki mahfil na sahi maut ki aaghosh sahi
aaina ishq-o-mohabbat ka ba-har-haal hai dil
shor-e-naghma na sahi nala-e-KHamosh sahi
irtibaat-e-nazar-o-dil na miTa hai na miTe
main to ru-posh nahin un se wo ru-posh sahi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
