husn-e-parwaz be-karan bole

husn-e-parvāz be-karāñ bole

sar uThā.ūñ to āsmāñ bole

is nazar key zabān ko samjho

jo ḳhamoshī ke darmiyāñ bole

be-ḳhudī meñ nazar nahīñ aatā

ham kahāñ samjhe tum kahāñ bole

ḳhatm ho jab fasād key shorish

ghar key dīvār sā.ebāñ bole

boliyoñ ke hujūm meñ rah kar

koī bolī na be-zabāñ bole

tum na bolo to ik jahāñ ḳhāmosh

tum jo bolo to ik jahāñ bole

jis se gir jaa.e baat key rif.at

baat aisī na rāz-dāñ bole

sab haiñ 'iqbāl' mast apne meñ

hāl-e-dil kab koī kahāñ bole

husn-e-parwaz be-karan bole

sar uThaun to aasman bole

is nazar key zaban ko samjho

jo KHamoshi ke darmiyan bole

be-KHudi mein nazar nahin aata

hum kahan samjhe tum kahan bole

KHatm ho jab fasad key shorish

ghar key diwar saeban bole

boliyon ke hujum mein rah kar

koi boli na be-zaban bole

tum na bolo to ek jahan KHamosh

tum jo bolo to ek jahan bole

jis se gir jae baat key rifat

baat aisi na raaz-dan bole

sab hain 'iqbaal' mast apne mein

haal-e-dil kab koi kahan bole