husn fani hai jawani ke fasane tak hai

husn faanī hai javānī ke fasāne tak hai

par ye kam-baḳht mohabbat to zamāne tak hai

vo milegā to shanāsā.ī diloñ tak hogī

ajnabiyyat to faqat sāmne aane tak hai

dasht meñ paañv dharā thā kabhī vahshat ke baġhair

ab vahī ret mire ā.īna-ḳhāne tak hai

shā.erī pīroñ faqīroñ kā vazīfa thā kabhī

ab to ye kaam faqat naam kamāne tak hai

chāñd gardūñ ko mayassar hai sahar hone tak

raqs-e-darvesh tire baam pe aane tak hai

maiñ mohammad ke ġhulāmoñ kā ġhulām ibn-e-ġhulām

aise nisbat usī pākīza gharāne tak hai

husn fani hai jawani ke fasane tak hai

par ye kam-baKHt mohabbat to zamane tak hai

wo milega to shanasai dilon tak hogi

ajnabiyyat to faqat samne aane tak hai

dasht mein panw dhara tha kabhi wahshat ke baghair

ab wahi ret mere aaina-KHane tak hai

shaeri piron faqiron ka wazifa tha kabhi

ab to ye kaam faqat nam kamane tak hai

chand gardun ko mayassar hai sahar hone tak

raqs-e-darwesh tere baam pe aane tak hai

main mohammad ke ghulamon ka ghulam ibn-e-ghulam

aise nisbat usi pakiza gharane tak hai