husn har rang mein maKHsus kashish rakhta hai

husn har rañg meñ maḳhsūs kashish rakhtā hai

vo tabassum kī adā ho ki sitam-koshī ho

zindagī kaif-e-musalsal meñ guzar jaatī hai

chashm-e-maḳhmūr kī mastī ho ki mai-noshī ho

tere aane kī masarrat se sahar ho raushan

aur rātoñ kī tire ġham meñ siyah-poshī ho

jāzbiyyat to ba-har-hāl huā kartī hai

husn kī bū-qalamūnī ho ki ḳhush-poshī ho

koī aalam ho najāt-e-ġham-e-daurāñ ke liye

maut ho niiñd ho be-hoshī ho

shukr 'anvār' jafāoñ pe na kyūñkar kījiye

kyūñki shikva ho to ehsān-frāmoshī ho

husn har rang mein maKHsus kashish rakhta hai

wo tabassum ki ada ho ki sitam-koshi ho

zindagi kaif-e-musalsal mein guzar jati hai

chashm-e-maKHmur ki masti ho ki mai-noshi ho

tere aane ki masarrat se sahar ho raushan

aur raaton ki tere gham mein siyah-poshi ho

jazbiyyat to ba-har-haal hua karti hai

husn ki bu-qalamuni ho ki KHush-poshi ho

koi aalam ho najat-e-gham-e-dauran ke liye

maut ho nind ho be-hoshi ho

shukr 'anwar' jafaon pe na kyunkar kijiye

kyunki shikwa ho to ehsan-framoshi ho