husn jab maqtal ki jaanib tegh-e-burran le chala

husn jab maqtal kī jānib teġh-e-burrāñ le chalā

ishq apne mujrmoñ ko pā-ba-jaulāñ le chalā

ḳhūn-e-nāhaq kī hayā bolī zarā muñh Dhāñk lo

naaz jab un ko sar-e-ḳhāk-e-shahīdāñ le chalā

ḳhāk-e-āshiq rokne ko duur tak lipTī ga.ī

jab samand-e-nāz ko vo garm-jaulāñ le chalā

jab chalī maqtal se qātil kī savārī raat ko

aage aage mish.aleñ ḳhūn-e-shahīdāñ le chalā

ārzū-e-dīd-e-jānāñ bazm meñ laa.ī mujhe

bazm se maiñ ārzū-e-dīd-e-jānāñ le chalā

DhūñDtī thī har taraf kis ko nigāh-e-vāpsīñ

aas kis ke diid kī bīmār-e-hijrāñ le chalā

nāz-e-āzādī 'hasan' vaj.h-e-asīrī ho gayā

mū-kashāñ dil ko ḳhayāl-e-zulf-e-paimāñ le chalā

husn jab maqtal ki jaanib tegh-e-burran le chala

ishq apne mujrmon ko pa-ba-jaulan le chala

KHun-e-nahaq ki haya boli zara munh Dhank lo

naz jab un ko sar-e-KHak-e-shahidan le chala

KHak-e-ashiq rokne ko dur tak lipTi gai

jab samand-e-naz ko wo garm-jaulan le chala

jab chali maqtal se qatil ki sawari raat ko

aage aage mishalen KHun-e-shahidan le chala

aarzu-e-did-e-jaanan bazm mein lai mujhe

bazm se main aarzu-e-did-e-jaanan le chala

DhunDti thi har taraf kis ko nigah-e-wapsin

aas kis ke did ki bimar-e-hijran le chala

naz-e-azadi 'hasan' wajh-e-asiri ho gaya

mu-kashan dil ko KHayal-e-zulf-e-paiman le chala