حسن کے ڈنکے کی دھوم جگ میں پڑی جا بہ جا

حسن کے ڈنکے کی دھوم جگ میں پڑی جا بہ جا

کیوں نہ بجے دل منے عشق کی نوبت سدا

عاشق بے جاں نے آج دل ستی اے روح بخش

تجھ کوں کہا دیکھ کر جان بیا مرحبا

بلبل شیراز نے چھوڑ دیا عشق گل

غنچہ دہن کو سنا بات میں جب خوش ادا

سرو ہوا ہے کھڑا تیری تواضع کتیں

جب سیں سنا باغ میں قد کو ترے دل ربا

تیرا درس پانے کو دوڑ کر آیا چکور

بوجھ ترے چہرہ کو غیرت بدر الدجیٰ

شوق کا نازک درخت خشک ہوا درد سوں

حسن کے بستاں میں تو چپ سے ہوا بے وفا

باغ میں لالا کہے دیکھ کے نرگس طرف

چشم کا بیمار ہو کیونکہ کھڑا بے عصا

لاف نہ مار اے رقیب مجلس عشاق میں

دل منے بیگانہ ہے تجھ ستی وہ آشنا

پھول گیا سونگھ میں تیرے بدن کی سو باس

ہو کے ترے پاس جب مجھ کنے آیا صبا

بسکہ ترے آنے کی باغ منے تھی خبر

شوق سے بے اختیار گل نے کہا ہل اتیٰ

موج حوادث ستی مجھ کوں نہیں غم کبھی

کشتیٔ ہستی اپر بسکہ تو ہے ناخدا

تان ترے منہ سے سن وجد کرے تان سین

پکڑے اپس کان کوں جب وہ سنے کانہرا

یاد سوں تیری جو دل خالی‌ و غافل ہے نت

اس دل بے ہوش کا نام ہے بیت الخلاء

کوچۂ سر بستۂ زلف میں حیراں ہووے

عشق سیہ چشم کا جس کا ہووے رہ نما

آنکھ تری سحر کو پھندے میں دے ہرن کوں

زلف تری پیچ سوں دل کو دیوے ہے پھنسا

مجمر سینہ منے کیوں نہ جلے جیوں سپند

دل کوں لگی چٹپٹی جب سے ہوا توں جدا

عشق کے بیمار کوں کام طبیباں سوں نئیں

وصل کی تبرید بن اور نہیں ہے دوا

حال مرے درد کا پوچھ کبھی آن کر

لطف کے قانون سے مجھ کوں ملے گی شفا

تیری کمر دیکھ کر دنگ ہیں باریک بیں

کیوں نہ ہووے مو بہ مو تجھ پہ فدا مبتلاؔ