husn KHud ban gaya tamashai

husn ḳhud ban gayā tamāshā.ī

marhabā ai junūn-e-rusvā.ī

husn ne lī azal meñ añgḌā.ī

ishq ne choT ruuh par khaa.ī

jo tirī raah meñ huī pāmāl

haa.e us zindagī kī ra.anā.ī

jalve ḳhud un ke ban ga.e parde

qurbat-e-husn bhī na raas aa.ī

āb-o-gil se yahāñ kise matlab

justujū kī hai kār-farmā.ī

husn hī husn jalva hī jalva

kaisī duurī kahāñ kī tanhā.ī

har-nafas ik payām hai un kā

har-qadam par hai himmat-afzā.ī

rū-ba-rū un ke dam-ba-ḳhud ho 'bashīr'

kyā huī shaan shān-e-goyā.ī

husn KHud ban gaya tamashai

marhaba ai junun-e-ruswai

husn ne li azal mein angDai

ishq ne choT ruh par khai

jo teri rah mein hui pamal

hae us zindagi ki ranai

jalwe KHud un ke ban gae parde

qurbat-e-husn bhi na ras aai

aab-o-gil se yahan kise matlab

justuju ki hai kar-farmai

husn hi husn jalwa hi jalwa

kaisi duri kahan ki tanhai

har-nafas ek payam hai un ka

har-qadam par hai himmat-afzai

ru-ba-ru un ke dam-ba-KHud ho 'bashir'

kya hui shan shan-e-goyai