husn ki tamhid par misra uTha

husn kī tamhīd par misrā uThā

tab kahīñ fan se mire pardā uThā

kaash mujh par bhī paḌe terī nazar

is liye sau baar maiñ baiThā uThā

kaam na aa.ī tirī dariyā-dilī

dekh tere dar se maiñ pyāsā uThā

hijr meñ kis ne mire Daalā ḳhalal

shor ye kaisā sar-e-sahrā uThā

maut ke imkān haiñ is ishq meñ

gar uThā paa.e to ye ḳhatrā uThā

chhūne kī quvvat tah-e-ādāb thī

us kī jānib haath larzīda uThā

Daal de kashkol meñ ummīd kuchh

ham faqīroñ ko na yuuñ bhūkā uThā

ham-nivāla dost hai na tū mirā

le mirī thālī se kuchh faaqa uThā

nā-umīdī ishq kā hāsil mirā

bazm se terī maiñ nam-dīda uThā

dost is duniyā meñ jiinā hai agar

iltijā.eñ chhoḌ kar fitna uThā

qatl karnā hai mujhe to qatl kar

soch mat pāgal uThā neza uThā

aap kahte haiñ ki zarra hai 'karan'

arsh chhū legā agar zarra uThā

husn ki tamhid par misra uTha

tab kahin fan se mere parda uTha

kash mujh par bhi paDe teri nazar

is liye sau bar main baiTha uTha

kaam na aai teri dariya-dili

dekh tere dar se main pyasa uTha

hijr mein kis ne mere Dala KHalal

shor ye kaisa sar-e-sahra uTha

maut ke imkan hain is ishq mein

gar uTha pae to ye KHatra uTha

chhune ki quwwat tah-e-adab thi

us ki jaanib hath larzida uTha

Dal de kashkol mein ummid kuchh

hum faqiron ko na yun bhuka uTha

ham-niwala dost hai na tu mera

le meri thaali se kuchh faqa uTha

na-umidi ishq ka hasil mera

bazm se teri main nam-dida uTha

dost is duniya mein jina hai agar

iltijaen chhoD kar fitna uTha

qatl karna hai mujhe to qatl kar

soch mat pagal uTha neza uTha

aap kahte hain ki zarra hai 'karan'

arsh chhu lega agar zarra uTha