حسن کیا اور دل کشی کیا تھی

حسن کیا اور دل کشی کیا تھی

تم نہ ہوتے تو زندگی کیا تھی

آس جاگی نہ تھی اگر دل میں

ہلکی ہلکی سی روشنی کیا تھی

اس کو اکثر اداس دیکھا ہے

اس کی محفل میں کچھ کمی کیا تھی

غیر بھی ہم سے اب یہ پوچھیں گے

تنہا تنہا ہو بے بسی کیا تھی

مٹتے مٹتے بھی آس کہتی ہے

تم جو آتے تو بات ہی کیا تھی

ہم پہ گزری تو جانا ہم نے بھی

دل کی دھڑکن کی بے کلی کیا تھی

راگؔ اس نے جو پھیر لیں آنکھیں

دل لگانا بھی دل لگی کیا تھی