husn mein husn-e-nafasat bhi to ho
husn meñ husn-e-nafāsat bhī to ho
naaz ke saath nazākat bhī to ho
daulat-e-husn baḌī chiiz hai par
saath kirdār kī zīnat bhī to ho
rang kāġhaz pe bhī khil uThte haiñ
phuul meñ phuul kī nik.hat bhī to ho
'ishrat-e-jism ke sāmāñ haiñ bahut
kuchh ravā ruuh kī hājat bhī to ho
ne'matoñ se bhare kab dil yārab
ab 'atā sabr-o-qanā'at bhī to ho
shukr-e-ne'mat kareñ kab yā-allāh
ne'matoñ se tirī fursat bhī to ho
husn mein husn-e-nafasat bhi to ho
naz ke sath nazakat bhi to ho
daulat-e-husn baDi chiz hai par
sath kirdar ki zinat bhi to ho
rang kaghaz pe bhi khil uThte hain
phul mein phul ki nikhat bhi to ho
'ishrat-e-jism ke saman hain bahut
kuchh rawa ruh ki hajat bhi to ho
ne'maton se bhare kab dil yarab
ab 'ata sabr-o-qana'at bhi to ho
shukr-e-ne'mat karen kab ya-allah
ne'maton se teri fursat bhi to ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
