حسن میں حسن نفاست بھی تو ہو
حسن میں حسن نفاست بھی تو ہو
ناز کے ساتھ نزاکت بھی تو ہو
دولت حسن بڑی چیز ہے پر
ساتھ کردار کی زینت بھی تو ہو
رنگ کاغذ پہ بھی کھل اٹھتے ہیں
پھول میں پھول کی نکہت بھی تو ہو
عشرت جسم کے ساماں ہیں بہت
کچھ روا روح کی حاجت بھی تو ہو
نعمتوں سے بھرے کب دل یارب
اب عطا صبر و قناعت بھی تو ہو
شکر نعمت کریں کب یا-اللہ
نعمتوں سے تری فرصت بھی تو ہو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
